Монголын Улаан Загалмай Нийгэмлэг 2009 оныг Хүмүүнлэгийн аяны жил болгон зарласантай холбогдуулан нээлтийн хүндэтгэлийн арга хэмжээг 2-р сарын 18-ны өдөр Төрийн ордны Их танхимд Ерөнхийлөгчийн ивээл дор "Хүмүүнлэгийн Үйлсийг Манлайлагчид" нэртэйгээр зохион байгууллаа. 

Энэхүү хүндэтгэлийн арга хэмжээний үеэр үе үеийн Улаан загалмайчид болох ахмад үеийнхэн маань, өнөөгийн Улаан загалмайн үйл ажиллагааг авч явж буй идэр үеийнхэн маань мөн хойч ирээдүйд энэхүү хүмүүнлэг энэрэнгүй үйлсийг үргэлжлүүлэх залуу үеийнхэнээс бүрдсэн 700 гаруй хүмүүс цугларч Монгол улсын Ерөнхийлөгчөөс шагналаа гардаж буй Хүмүүнлэгийн Үйлсийг Манлайлагчиддаа хүндэтгэл үзүүлсэн юм.

Гадаад дотоодын 30 гаруй дуурийн дүрийг бүтээж, 600 гаруй уран бүтээл туурвиж, Ардын болон гавьяат жүжигчин, төрийн шагналт 10 гаруй авьяастнаар түүчээлүүлсэн олон арван шавь нарыг төрүүлсэн Монгол улсын Хөдөлмөрийн баатар, Ардын жүжигчин Г.Хайдав, 80 удаа 38 литр цусаа бусдын сайн сайхны төлөө бэлэглэж, Монголын Донорын холбоог үүсгэн байгуулагч М.Сосорбарам, орон нутагт хүмүүнлэгийн үйлсийг хөгжүүлэхэд үлгэрлэн оролцож, хөрөнгө санхүүгээр дэмжигч Архангай аймгийн “Илч” компаний захирал Ч.Өсөхбаяр, өсвөрийн улаан загалмайчдын тэргүүний зөвлөх багш Сонгинохайрхан дүүргийн “Ирээдүй” цогцолборын нийгмийн ажилтан Д.Оюунчимэг нарыг очир алмаазан шигтгээ бүхий “Нигүүлсэл” алтан медалиар энгэрийг нь мялаалаа. Мөн энэ үеэр Улаан загалмайн санд 35 хонь хандивлаж, зургаан өрхийг малжуулсан Төв аймгийн Эрдэнэсант сумын харъяат, таван мянгат малчин Я.Нямдоржийг “Нигүүлсэнгүй үйлст-Манлай малчин” одонгоор шагнасан юм.

Comments (1)

Show/Hide comments

Name

Email

Comment

Add Comment